*VERSAUN TETUN*
Direção Nacional de Meteorologia e Geofísica (DNMG) kontinua haforsa kapasidade monitorizasaun kondisaun meteorolójika iha Timor-Leste liuhosi instalasaun Automated Weather Stations (AWS) iha munisípiu 6, mak hanesan tuir mai ne'e: (Ermera, Likisa, Manatuto, Baucau, Viqueque & Lautém ).
Instalasaun estasaun meteorolójikas automátiku sira ne’e sai parte importante husi esforsu atu hadi’a sistema observasaun no rekolla dadus meteorolójikus iha nivel munisípiu. AWS hirak ne'e bele rekolla informasaun kona-ba kondisaun atmosférika, inklui temperatura, udan, umidade no parámetru meteorolójiku sira seluk, ho forma automátiku no kontinua.
Prosesu instalasaun no dezenvolvimentu sistema AWS ne’e hetan apoiu no kolaborasaun husi PT Manvis, Badan Meteorologi, Klimatologi, dan Geofisika (BMKG) Indonézia no Regional Integrated Multi-Hazard Early Warning System (RIMES). Kooperasaun entre instituisaun sira ne’e importante tebes atu haforsa kapasidade téknika no sistema monitorizasaun meteorolojia iha Timor-Leste.
Liuhosi teknolojia AWS, DNMG sei iha oportunidade atu hetan dadus meteorolojia ho lalais ne’ebé bele suporta análize no halo previzaun tempu. Dadus sira ne’e mos bele sai baze importante ba preparasaun no disseminasaun alerta ka avizu sedu bainhira iha poténsia ba fenómenu meteorolojiku ne’ebé bele fó impaktu ba komunidade.
Instalasaun AWS iha munisipiu hirak ne'e mos konsidera hanesan pasu importante ida atu haforsa kobertura rede observasaun meteorolojika nasional. Ho dadus ne’ebé rekolla diretamente husi munisípiu sira, DNMG bele komprende di’ak liután padraun no variabilidade tempu ba kada munisipiu iha territoriu Timor-Leste.
Inisiativa ne’e espera bele kontribui ba hadi’a servisu meteorolojia nasional, inklui suporta ba agrikultura, transporte, aviasaun, jestaun risku dezastre, planeamentu no seguransa komunidade.
DNMG, hamutuk ho parseiru sira, kontinua buka oportunidade atu dezenvolve infraestrutura no kapasidade meteorolojika iha país, ho objetivu atu garante katak informasaun kona-ba tempu no avizu sedu bele asesível no útil ba governu, komunidade no utilizadór sira iha sektór oioin.
*English Version*
The National Directorate of Meteorology and Geophysics (DNMG) continues to strengthen the meteorological monitoring system in Timor-Leste through the installation of Automated Weather Stations (AWS) in six municipalities: Ermera, Liquiçá, Manatuto, Baucau, Viqueque, and Lautém.
These AWS stations enable the automatic, continuous, and timely collection of meteorological data, including temperature, rainfall, humidity, and other key atmospheric parameters. The data are essential for improving weather observation, analysis, and forecasting, as well as supporting early warning and alert systems for potentially hazardous weather events.
The initiative is supported through collaboration with PT Manvis, the Meteorology, Climatology, and Geophysics Agency of Indonesia (BMKG), and the Regional Integrated Multi-Hazard Early Warning System (RIMES). This cooperation contributes to strengthening DNMG’s technical capacity and meteorological observation infrastructure.
The installation of AWS stations in these municipalities represents an important step toward expanding the national meteorological observation network, enabling DNMG to better understand weather patterns and variability across different regions of Timor-Leste.
Through this system, DNMG can further support key sectors such as agriculture, transport, aviation, disaster risk management, planning, and community safety, while improving access to reliable meteorological information and early warnings for government institutions, communities, and various sectors.