WEEKEND WEATHER FORECAST INCLUDING MONDAY (26–28/09/2026)

MTC-DGC-DNMG;

*PREVIZAUN TEMPU BA FIM DE SEMANA no SEGUNDA-FEIRA (26-28/09/2026)*.

#KONDISAUN ANIN (KM/H)#

ALERTA BA INTENSIFIKASAUN ANIN ho kategoria FORTE ba FORTE LIU/extremu iha REJIAUN KOSTEIRAS, tantu iha KOSTA NORTE, LESTE no OESTE

Intensifikasaun ANIN ba FIM DE SEMANA ne’e nia laran sei kontinua persiste, iha ne’ebe varia husi MODERADU/naton ba FORTE LIU/EXTREMU (20-36 Km/h) kuaze iha territoriu nasional, exceptu munisipiu ERMERA no AILEU mak kondisaun refere sei varia husi NORMAL (7-15 km/h). Detallu liu bele hare iha (tabela) anexu.

#KONDISAUN LALORAN-TASI (M)#

ATENSAUN BA KONDISAUN LALORAN TASI NIA A’AS iha KOSTA SUL, preferensialmente iha loron SEGUNDA-FEIRA, (28/09/2026)

Laloran tasi nia A’AS ba loron aban no ba FIM DE SEMANA sei varia husi NORMAL (0.5-1.0 m) tantu iha KOSTA NORTE kuantu iha KOSTA SUL (0.4-1.0 m). Exceptu iha loron SEGUNDA-FEIRA, (28/09/2026) mak kondisaun refere sei varia husi NORMAL ba MODERADU iha KOSTA SUL (0.6-1.3 m).

#KONDISAUN TEMPU EM JERÁL#

Ministério dos Transportes e Comunicações (MTC) liu husi DNMG hakarak informa ba publiku katak kondisaun atmosfera ba SEMANA sei kontinua persiste ESTAVEL, maibe ho permanensia MONSAUN AUSTRALIA nian, assosia ho fator lokal no topografia ilha Timor nian, sei kontinua favorese UDAN ho intensidade CHUVISKA ba FRAKU, preferensialmente iha REJIAUN FOHO durante periodu LOROKRAIK ba INISIU KALAN.

#MENSAJEN IMPORTANTE#

* ALERTA BA INTENSIFIKASAUN ANIN ho kategoria FOERTE ba FORTE LIU/extremu iha REJIAUN KOSTEIRAS liu-liu iha munisipiu sira ne’ebe ho marka kor SABRAKA-MEAN;

* Husu ba maluk peskador sira no operasaun transporte maritima ne'ebe mak hala'o atividade peska no operasaun rô (DILI-OECUSSE-ATAURO) atu toma maximu atensaun ba eventual refere, atu nune’e evita dezastre sira ne’ebe ita hotu la espera;

* Maske LALORAN TASIA NIA A’AS iha tantu iha KOSTA NORTE kuantu iha KOSTA SUL kontinua varia husi NORMAL ba MODERADU/naton, maibe ho influensia husi intensifikasaun ANIN ne’ebe ho kategoria FORTE ba FORTE LIU/extremu provavelmente bele altera/muda laloran tasi nia A’AS iha kualker momentu.

* Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne'ebé besik;

* Akompanha nafatin atualizasaun informasaun kona ba previzaun Tempu iha pajina Facebook ofisial DNMG Timor-leste nian.

AVIZU Emitidu: 25/09/2026 (17:20 OTL)

AVIZU validu: 29/09/2026 (00:00 OTL)

Ekipa Previzaun Tempu no Eventu Extremu DNMG-MTC, la haluha hato'o "BOM FIM DE SEMANA" ba ita hotu”