MTC-DGC-DNMG *PREVIZAUN TEMPU BA LORON HA'AT (4)TUIR MAI; (29/09/2026-02/10/2026)*.

🌊 #KONDISAUN ANIN (KM/H)#

KONTINUA ALERTA BA INTENSIFIKASAUN ANIN ho kategoria FORTE ba FORTE LIU/extremu iha REJIAUN KOSTEIRAS, iha territoriu Timor laran tomak, liu-liu iha KOSTA NORTE, LESTE no SUL

Intensifikasaun ANIN SEMANA ne’e nia laran sei kontinua persiste, iha ne’ebe varia husi MODERADU/naton ba FORTE LIU/EXTREMU (20-38 Km/h) kuaze iha territoriu nasional. Detallu liu bele hare iha (tabela) anexu.

#KONDISAUN LALORAN-TASI (M)#

ATENSAUN BA KONDISAUN LALORAN TASI NIA A’AS tantu iha KOSTA SUL

Laloran tasi nia A’AS ba SEMANA sei kontinua NORMAL ENKUANTU iha KOSTA SUL sei varia husi NORMAL ba MODERADU/naton (0.4-1.3 m) iha ne'ebé influensia diretamente hosi anin Sudeste.

#KONDISAUN TEMPU EM JERÁL#

Ministério dos Transportes e Comunicações (MTC) liu husi DNMG hakarak informa ba publiku katak kondisaun atmosfera ba SEMANA sei kontinua persiste ESTAVEL, maibe ho permanensia MONSAUN AUSTRALIA nian no mos assosia ho fator lokal hanesan TOPOGRAFIA ilha Timor nian, sei kontinua favorese UDAN ho intensidade CHUVISKA ba FRAKU kuaze iha territoriu nasional, preferensialmente iha periodu LOROKRAIK ba INISIU KALAN.

#MENSAJEN IMPORTANTE#

* ALERTA BA INTENSIFIKASAUN ANIN ho kategoria FOERTE ba FORTE LIU/extremu iha REJIAUN KOSTEIRAS liu-liu iha munisipiu sira ne’ebe ho marka kor SABRAKA-MEAN;

* Husu ba maluk peskador sira no operasaun transporte maritima ne'ebe mak hala'o atividade peska no operasaun rô (DILI-OECUSSE-ATAURO) atu toma maximu atensaun ba eventual refere, atu nune’e evita dezastre sira ne’ebe ita hotu la espera;

* Maske LALORAN TASIA nia A’AS iha KOSTA NORTE Tantu iha KOSTA SUL kontinua varia husi NORMAL ba MODERADU, maibe ho influensia husi intensifikasaun ANIN ne’ebe ho kategoria FORTE LIU/extremu provavelmente bele altera/muda laloran tasi nia A’AS iha kualker momentu.

* Kazu emergênsia ruma ou karik presiza halo evakuasaun, mantein kalma nafatin, evita paniku no rona orientasaun husi Autoridade Lokal ou Pessoal Protesaun Sivil ne'ebé besik;

* Akompanha nafatin atualizasaun informasaun kona ba previzaun Tempu husi DNMG Timor-leste.

* Bele acesso informasaun ne'e via website DNMG Timor-Leste: https://dnmg.gov.tl/en/

AVIZU Emitidu: 28/09/2026 (17:15 OTL)

AVIZU validu: 03/10/2026 (00:00 OTL)

Ekipa Previzaun Tempu no Eventu Extremu DNMG-MTC, la haluha hato'o "BOA SEMANA" ba ita hotu”