DNMG kontinua fo ALERTA ba publiku kona ba intensifikasaun ANIN ne'ebe sei kontinua persiste hu'u ho velosidade FORTE LIU/extremu (21-30 km/h) ba loron ohin nian, prinsipalmente iha tantu iha REJIAUN KOSTEIRAS kuantu iha foho, liu-liu iha KOSTA NORTE, LESTE, OESTE no REJIAUN CENTRAL. Exceptu iha KOSTA SUL mak kondisaun refere sei varia ho kategoria NORMAL ba MODERADU/naton (8-19 km/h).
*MENSAJEN IMPORTANTE BA PUBLIKU*
- Peskadór sira no operador transporte marítimu, inklui operasaun rota (Dili–Oecusse–Atauro), ne’ebé hala’o atividade peska ka viajen marítima, husu atu toma máxima atensaun ba kondisaun anin no laloran tasi nia A'AS atu prevene risku no evita akontesimentu ne’ebé ita hotu la espera.
- Maske laloran tasi nia A'AS iha Kosta Norte varia husi NORMAL, maibe ho influénsia husi intensifikasaun ANIN ho kategoria FORTE ba FORTE LIU/extremu bele hamosu mudansa ba laloran tasi nia A'AS, iha ne'ebve bele varia husi MODERADU/naton ba FORTE, konforme persistensia ANIN forte kontinua intensifika durante tempu naruk. Enkuantu iha KOSTA SUL no OESTE Laloran Tasi nia A'AS sei varia husi NORMAL ba MODERADU/naton (1.0-1.4 m);
- Iha situasaun emerjénsia ka bainhira presiza halo evakuasaun, husu ba komunidade sira atu mantein kalma, evita paniku, no tuir orientasaun husi Autoridade Lokal no Pessoal Protesaun Sivil ne’ebé besik;
- Akompanha nafatin atualizasaun informasaun kona ba previzaun Tempu husi DNMG Timor-leste atavez link pagina ida ne'e: (https://www.facebook.com/share/18VmKqQ3d6/).
🌊Ekipa Previzaun Tempu no Eventu Extremu DNMG-MTC, la haluha hato'o BOA SEMANA ba ita hotu🌊